BE.177 Logu no.147
NDADA TARHATAON

Ayat 1
Ndada tarhatahon hahoholong ni
Roha ni Tuhanta di pardosa i.
Marsak do rohaNa Mida jolma i,
Na so olo unduk di hataNa i.

Ayat 2
Naeng pangoluonNa jolma sasude
Naeng pasonangonNa nang parjahat pe
Asal ditangihon saluhutna i
Hata hangoluan binoanNa i.

Ayat 3
Jesus do manaoni dosa ni sude
Nunga digarari do utangta be
Nunga pola mate Tuhan Jesus i
Paluahon hita sian dosa i.

Ayat 4
O hamu pardosa sai tandai ma i
Lehon di Ibana rohamuna be
I do pangidoan ni Tuhanta i
Asa sai tong sonang bahenonNa i.
